قديم 10-08-2006, 12:44 PM   رقم المشاركة : 1
انا الشعب
عضو مؤسس





انا الشعب غير متصل

انا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond repute


الشاعر الكبير عبدالله صالح العلفي الحاشدي

هنا نضع قصايد الشاعر الكبير عبدالله صالح العلفي

ومع اول بدع ارسله الى الشاعر القدير ثابت عوض اليهري


قال ابو قيس ياكابح جماح المحجل = آن آن الأوان اطلق عنانه فضيله
كيف يبقى في اصطبله مقيد مكبل = من تصدر سباق العاديات الأصيله
قوّة اعصار في كرّه وفرّه وأهول = ما زئير الأسود إلا صدى من صهيله
سرعة الفهد في ساقّي نعامه وهيكل = ليث ياما روى دم الطرائد غليله
حين يأرن كنسرٍ وحين يرنو كتتفل = وحين يشدو كورقاء أو مطوق هديله
خله الليل يسري في ظلامه ويجهل = إنه السر ذاته والمكتّم خليله
آه يافارس الوجنا أما آن تستل = مُغمداً يرعد أوصال الأوابد صليله
آتني بالتي في حدها الحد واجعل =كل مُبدع ونابغ معجزاتك تهيله
طال صمتك وهذا أمر ماعاد يُقبل = فأنتفض من غبار الدهر والحمل شيله
بات اما هوان الحط أو عزت الشل = والوسط ليس إلا ضرب في المستحيله
لاتدع لزبَتَ الأيام تلقي من احتل = قمة المجد يهوي من على ظهر فيله
كنت الاول فهل تبقى كما كنت الاول = أم تدعها لروّاد البغال الثقيله
فاض بيّا غثاءُ السيل بلغ الزُبى بل = فاض بالشعر من لعنة ملافظ دخيله
ناس من أمس أتت قطعان أو بدو رُحل = أمطرتنا بوابل من قوافي هزيله
أستغلوا أفول النجم واحزان من ظل = كل منهم يرى نفسه ولاحد مثيله
والمصيبه رصيده صفر وانته تخيل = حين يأتيك مستعرض وبيده صميله
مات هرقل وكلاً قال انا اليوم هرقل = دون عوده لمن هرقل شكى من كليله
حسبي الله عليهم وأنت ياعازم ارحل =وأهد ثابت عوض من نفس ماهي بخيله
قله الصدق والكذبه بها لاتجمل =إن لي حول نشراته مآخذ قليله
واحتضانه قُصد من هب ودب مأخذ اثقل = كان احرى به أن يكبح جماح الحليله
ماقده كل من صنف نقل له تفضل = عاد للبندقه رامي وللقول قيله
يقبل النقد راضي وان زعل قل له ازعل = لاجميلي سبق عنده ولااعرف جميله
ويش لو ضاق صدره بايسوي ويفعل = مالجم ترجماني ذي سبقني رحيله
رحمة الله تغشى تربته وينما حل =كان يأخذ ويعطي بالحروف الدويله
واليمن نُصب عينه وحدوي ماتهلهل =أو تعاطف مع أي انفصالي هبيله
هكذا كان شايف وانت يابن عوض هل = تستطيع ان تواصل لو نقيمك بديله
ذا إذا ابن الجرادي باينازل ويقبل = من تخطاه يتنيل بستين نيله
لاتقل ما انت طامع بالخلافه تحمل = تقتنع كذب والخباز يعرف عميله
احسم امرك ولكن لن تنلها بمعزل = عن ذوي الرأي والعاقل يشاور زميله
قد نبايع ونستقطب ذوي العقد والحل = شرط تنأى عن اصحاب النفوس العليله
والمعشعش براسك ذاك الاول يبدل =أنقضى الأمر قل وحده ونعمه جزيله
إن في العروة الوثقى ملاذك توكل = قاتل الله ماشي في جنازة قتيله
لاتظلي تعيد احداث ذاك المسلسل = لن تجد لليمامة أم غير الجليله
يستحيل ان تنصل عظم من غير مفصل =لو تحاول وتأتي بالف حيله وحيله
كن كما ينبغي حتى تظلي مجلل = لك مقامك فلاتنقاد خلف الرذيله
بالتي جادل أندادك وكن منهم اعقل = والفتى من بذل جهده لنزع الفتيله
لا الذي ينفخ المكريب من اجل يشعل = وان تداعت دواعيها تبان الفشيله
أنتبه لايكيدك من رقص لك وطبل = واهترى في العوافي بالنسب والقبيله
كالذي قال لك جده بصنعاء تديول =دون تقديم برهانه ودامغ دليله
مايصدق رجل معتوه إلا مغفل = قرّب ابعادها ودروبها مستطيله
مثل هذا انبذه حتى ولو جاك يُحقل = بايحطك اذا مالجاهم أرخاء هميله
لن يغيثك ولوطعنوك طعنه بمقتل = حل حلاتها ماتسمع إلا عويله
مالهُرى ويش حدك من مشاريبه انهل =غير ان المخمس عاد له من يكيله
أوف بالشرط واستبشر بداعم مؤهل = ماتعسر علي خلّه وشل السهيله
باعبر الواد بك من الف مدخل ومدخل = واشفعك عند من قلت أمس باع ارخبيله
وان ترى عكس مابه قد امرتك تمهل = قد يذيقك صبر من ذوّقك سلسبيله
لم أكن قط متسامح فإياك تجهل = ردت الفعل والغايه تقر الوسيله
النبأ مِنك قلبّها وماباك تعجل = خاف يعثر جوادك والمراحل طويله
مابغيت اخسرك مثلك ارى كسبه افضل =ذهن صافي وتبدو ذو سواعد جليله
ختمها بالنبي صليت وانته معي صل =واختلاف المذاهب كل من في سبيله



وهذا جواب الشاعر القدير / ثابت عوض اليهري على الشاعر الكبير عبدالله صالح العلفي



نبتدي بالذي ساق السحاب المثقل= وارسل الريح بشرى طيبه في هميله
ما مُضرٍ يضره من على الله توكل =كل مخلوق في الدنيا خلُق له مكيله
نحمدالله ماضم المصلي وسربل = ماتشن السماء بالغيث والارض سيله
قال ثابت عوض هدد سبأ توه اقبل = يصدق القول ولا اقطع جناحه وذيله
واقطع اخماس منقاره ولاعاد يطول = لجل يوليني الطاعة ومنهم مثيله
كلمتي صادقه ماحد من الصدق يزعل = من زعل منها تقرح براسه جليله
والنصيحه عليا واجبه لرول أرول =يستمعها لما تفجر في اذنه طُبيله
لحتمل من حد الباطل ولاباتبطل = كلمتي داخل الكفه سبايك ثقيله
بعد ذلحين ياضيف اهل يافع تفضل = بانقهويك من بن الجوابي وهيله
بوسليمان عز القبيله باتقبيل = كل موقف قبيلي ينعكس على القبيله
القبيلي إذا جاء ضيف رحب وسهل = مايبالي بكثر التكلفه والقليله
قصده الضيف يرضى ضيفته قبل يرحل = يابني اوصيك ضيفك في عيونك تشيله
ضيف غالي عزيز اليوم عندي توصل = ياخوتي يابني عمي قروني الجليله
ضيفنا اليوم ابو قيس الهمام المبجل =وشامخ العر يتشرف بمقدم نزيله
قدموله بخور العود مكريب يشعل = واذبحوا له سمينات النياق الأصيله
لايقول أن اصل اليافعي قل أو ذل = ضيفنا مانمله لو يبات الف ليله
قد ورثنا الوفاء عاده عن الجد لول = لانخادع ولانقطع لعابر سبيله
وانته اليوم يالهاجس براسي تزمل = وافني بالعلوم الجاريه والدويله
وافني من قدا صنعاء بموجز مفصل = وارض مأرب لصالح من تروح الحصيله
كم درامات يوميه من الخام تُرسل = للخواجات من منتوج واد المسيله
وآخر اخبار عن دستورنا ذي تعدل = كل سع يحذفو منه وردو بديله
عدلوا به ووقعنا لهم بالمصمل =سّبل ابن الامام احمد وسّبل صميله
وإن وجد من يعارضهم يقولو تبلل =لغلبيه لهم والشعب نسبه ضئيله
ياضمير اليمن ياحر صامت مكبل = مثل الكادح المُعدم وكل الشغيله
بشر القاتل إن ماعُذر من يوم يقتل = وانه الكاس ذي به كال بايستكيله
يابن الحاشدي ويش اخلف الله وبدل = بعد غصن الغنا حدبا مُعاقه عطيله
بنت لجواد ذي كانت من الغصن أنحل =وجه مشرق وعينيها سواجي كحيله
لولبوها وهي كانت بتولد وتحبل =فاتنه في محاسنها وقامه نحيله
وابنها في حضانتها تربى مدلل =والصُدف ساقته لايد جده بخيله
انحرم متعة الملبس ومشرب ومأكل = وابتداء الجوع يفتك به لما اهتد احيله
سئ البخت ماهو شي على قولك اهبل = مامعك حق تشمت به بكلمة هبيله
والخلافه لنا وانته بها لاتفاضل = الجرادي وانا من دم واحد فصيله
كلنا من لقا فرصه على الجول جول = راس حربه نشكل واجنحه مستطيله
وان حدا مننا لاقدر الله تمضحل = عاد من بعدنا ذي يرجموا بالشويله
عادهم ناس ويله من معاهم تمشكل = مايقاوم معاهم ساعه الله وكيله
وانته اختار لك بازل من اثنين بزل = بارزه منهم مااثنينهم مستحيله
لاتظلي تراوغنا من اعلى لأسفل = الحذر تمتهن مهنة علي باثعيله
كلنا طعمنا علقم صبر مر حنظل = كلنا نار جمر احمر تجنب شعيله
ماتمشي شروطك بالكلام المعسل = ماخُلق ذي يقيد بن عوض في رجيله
لاصديقك عسل الحس ومنه توسل = قد يجي يوم تحتاجه ونفسك عليله
أي عاقل بشرطك ذاك يرضى ويقبل = صابنا الجوع وانت اتقول نعمه جزيله
يشهد الله علي بالكذب ماباتجمل =دايماً عالصراحه عودتني الحليله
كل شئ في البلد سايب مخرب مبهذل =مابيداتنا ياحاشدي أي حيله
القطاع الزراعي والصناعي معطل = مامعانا خطط ذي للمواطن كفيله
واهل لمساب فوق البنك من شل له شل = إن مشى الشيك ولاجيزه له زميله
ابتلينا بعقل ادهى من الجهل واجهل = بالشروع القواصر والعميم الطويله
والطموحين ذي قلت انهم بدو رُحل = امطرونا بوابل من قوافي هزيله
انهم مثلنا يسعو لمستقبل افضل = والتنافس على الزينه ولا عالرذيله
وشايف الخالدي عنتر وماكان هرقل = وانت مانت الذي هرقل شكى من كليله
انت جساس مانته شي امام المهلهل = بن عوض حين يدهم في ر جاله وخيله
والشفاعه انا اشفع لك وبك باتكفل = انت مسكين وانته ذي عليك الفضيله
قلت واقولها مليون مره مدبل = إن لحباش شلوا جزء من ارخبيله
وليظلي علي صالح على الدرب مشعل = في الطريق السوي وينور الله دليله
نرجو المعذره من أي شي زاد أو قل = قاتل الله ذي ينعي جنازة قتيله
والف صلوا على من حبه الله وفضل = خاتم الأنبياء مولى الصفات النبيله






رد مع اقتباس
قديم 20-08-2006, 12:22 AM   رقم المشاركة : 2
شاعر
عضو مؤسس





شاعر غير متصل

شاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond repute


رد: الشاعر الكبير عبدالله صالح العلفي الحاشدي

الاخ انا الشعب حياك الله

تسلم على هذه المشاركه

ولك التحيه







التوقيع :
لما عفوت ولم أحقد على أحدٍ.....أرحت نفسي من هم العداوات

إني أحيي عدوي عند رؤيتـه.......أدفع الشر عنـي بالتحيـات
رد مع اقتباس
قديم 22-08-2006, 03:36 PM   رقم المشاركة : 3
انا الشعب
عضو مؤسس





انا الشعب غير متصل

انا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond repute


رد: الشاعر الكبير عبدالله صالح العلفي الحاشدي

اقتباس:
المشاركة الأصلية كتبت بواسطة شاعر
الاخ انا الشعب حياك الله

تسلم على هذه المشاركه

ولك التحيه



الاخ العزيز الشاعر اسعد الله ايامك بكل خير ايه النبيل


مرورك وتشجيك لا شك ان له الاثر الكبير في شحذ الهمم

وبذل كل ما بوسعنا من اجل اعلا مكانة هذه المجلس

الذي ما زال في بداياته ومحتاج منا الكثير والكثير

دمت في رعاية الله وحفظه وتحيه لسمك الكريم من صميم الفؤاد






التوقيع :
[poem=font="Simplified Arabic,5,white,bold,normal" bkcolor="blue" bkimage="backgrounds/38.gif" border="double,10,blue" type=0 line=0 align=center use=ex num="0,black"]
المصالح دمار المجتمع يا محمد= ترفع الظلم والكادر تبيده اباده
وانعدام الثقه تعقيد فوق المعقد= واسود اللون (مرهم) ما يبدد سواده[/poem]
رد مع اقتباس
قديم 23-08-2006, 10:28 PM   رقم المشاركة : 4
شاعر
عضو مؤسس





شاعر غير متصل

شاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond reputeشاعر has a reputation beyond repute


رد: الشاعر الكبير عبدالله صالح العلفي الحاشدي

حياك الله اخي مقصرين في ان نوفيك حقك
ولك مني افضل تحيه







التوقيع :
لما عفوت ولم أحقد على أحدٍ.....أرحت نفسي من هم العداوات

إني أحيي عدوي عند رؤيتـه.......أدفع الشر عنـي بالتحيـات
رد مع اقتباس
قديم 17-09-2006, 05:10 PM   رقم المشاركة : 5
انا الشعب
عضو مؤسس





انا الشعب غير متصل

انا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond reputeانا الشعب has a reputation beyond repute


رد: الشاعر الكبير عبدالله صالح العلفي الحاشدي

اقتباس:
المشاركة الأصلية كتبت بواسطة شاعر
حياك الله اخي مقصرين في ان نوفيك حقك
ولك مني افضل تحيه

لك تحيه من الاعماق يا شاعر مخضرم عملاق






التوقيع :
[poem=font="Simplified Arabic,5,white,bold,normal" bkcolor="blue" bkimage="backgrounds/38.gif" border="double,10,blue" type=0 line=0 align=center use=ex num="0,black"]
المصالح دمار المجتمع يا محمد= ترفع الظلم والكادر تبيده اباده
وانعدام الثقه تعقيد فوق المعقد= واسود اللون (مرهم) ما يبدد سواده[/poem]
رد مع اقتباس
قديم 05-11-2006, 07:45 PM   رقم المشاركة : 6
الوايلي
عضو نشيط





الوايلي غير متصل

الوايلي will become famous soon enough


رد: الشاعر الكبير عبدالله صالح العلفي الحاشدي

قصيده رائعه
تسلم يمين ناقلها
دمتم سالمين







رد مع اقتباس
قديم 11-08-2007, 09:12 AM   رقم المشاركة : 7
ابو شيماء
عضو مؤسس
 
الصورة الرمزية ابو شيماء






ابو شيماء غير متصل

ابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond repute


رد: الشاعر الكبير عبدالله صالح العلفي الحاشدي

هدية متواضعة لهذا الملتقى اليمني قصيدتين لم يسبق أن انزلهن احد على صفخات النت ، وهناك مجموعة قصائد أخرى لم تسجل على الأطلاق لأسباب ستعرفونها من خلال الأبيات عندما اوافيكم ايها الرواد الأعزاء وإدارة هذا الصرح الكرام بها تباعاً
قال ابوقيس من شدة صرير العواصف=همت وامسيت طول الليل ساهر ومختاف
جمّشوا شمس بيضاء بالطرح والشراشف=كن شيئ لم يكن والبرق لامع وكشّاف
كارثه لا تلوموني إذا قلت خائف=من عواقب مخاطر سيل عارم وجرّاف
كاد أن يقلعك يا حصن فوق النوائف=من جذورك ويتلف كلما أنجزته اتلاف
ماهل إن عادها خضراء وربك ملاطف=من له أيام يحياها ومن طافته طاف
إنما قبل تبلعها وانا قول آسف=داو نفسك وجنبنا الندم والتأسّاف
إنت مسئول عن أمن الوطن لا تجازف=في بقى من يريدوا ينسفوا ستة أهداف
با يدلّوا بلا بسمال من شق وطارف=انت في العاصمه ما عدت في حوض الاشراف
من هنا أيش ذنب الشعب يعديه طائف=يهلكه أو يعيده "لا" عهود التخلاف
انتبه يا فتى طغوى كبار الوظائف=كم صور بينهم ىتتلون أشكال واصناف
علت الشعب منهم ىوانت فاهم وعارف=أبجديات حرف السين والشين والقاف
هم بلانا وهم مدعاة كل المخاوف=كم على جورهم صبر المواطن وكم شاف
في جميع المرافق ما ترى إلا زواحف=نظّف البيت من هذه الجراثيم نظّاف
من يخون الوطن ما يستحق التعاطف=كان من كان جز الراس من فوق لكتاف
خذ عبر من "يناير" لا يقع شعب آلف=للكوارث ومتعوّد لحكم التعسّاف
مابنيناه با يصبح طعام القذائف=في المدن والبوادي والعواصم والارياف
ذا حديثي معك والآ اتى دور شايف=قد لنا وقت من شاعر قبيلي ومضياف
با نسولف مع شيبه يحب السوالف=حزبي أصلي نقاشه والعمل كله أخلاف
دعوة الوالده واسحار شمس المعارف=أعمت "القائد" الصمّام من زيف زيّاف
لكن الظاهر إن أيام جبقر العواطف=أنتهت وانتهى شهر العسل والتكيّاف
ضعت واصبحت يا شايف في الدار عاكف=أندب الحظ واطلق دمع لعيان ذرَاّف
قنّع النفس انا بوقيس عيب الكشايف=كودها ترضع "الخبره" تمرغط بها حاف
شوف ذي ما معه قوة سواعد تداهف=ما يساوي بهذا الوقت قيمة قلم جاف
ويش عادك مراعي لا ذليحين واقف=بين ذي ما تلاقي بحكمهم عدل وانصاف
لا تضلي رهينه وانت مسكين زاحف=با ترى فوق ما قد شفته أضعاف واضعاف
الحق القافله لا يجرفك سيل جارف=قد لحقها وزير العدل قبلك والاوقاف
وان تريد البقاء فابقى وحتما تصادف=تالي الوعد نفسك بيم ضاحه ودهاّف
لن لا عاد لك مخلب ولا قرن صالف=بعدما عطفوا من تحتك الفرش عطّاف
وين ذي سكّنك مجانقالوا مخالف=راح رنج الورق جوكر كراول بكداف
قلت لك قبل عام اسرع كما برق خاطف=فرصه اركب سفينة نوح وامسك بمجداف
لكن إنك جهلت أمري وضّليت قانف=وادعيت ان سيفك قد غلب كل سيّاف
والسع الجول قدامك إذا انته محارف=روني هزت اشباكه بتسجيل الاهداف
قيّم الوضع واعلم إن حولك لفالف=مايلبوك لو مناديت عادات الاسلاف
صفكم فاقد الوحده ومعنى التكاتف=ويش يجمع خيوط أنداشواوراق شرياف
تكرهوا بعضكم كره العمى وانت عارف=حقدكم بينكم ما يوصفه أي وصّاف
ما يشهدنا عليكم زور أو وصف واصف=تشهد اشعاركم انته وشعاّر الاصفاف
لكن الذنب ذنبك أنت يا حاج شايف=كلما جاء شويعر قلت يا مرحبا الآف
تخلط البر بالعوكب مغالط مسارف=وانت تعلم بأن الحب يحتاج نسّاف
لا هنا وافتني من باز كاتم وكاشف=طول عمره وهو من بطن لا بطن طوّاف
يعجبك حين يرضع من لبن ضرع ناشف=ما يرد أي عمله مثل خازن وصرّاف
وسط بطنه عيونه خادمه للشفايف=وما ترى إلا لسانه يلحس أمصور شفاف
فسرّه حللّه لغزي مبسّط وهادف=لا يضلي نصع في وجه رامي وهدّاف
واعذر الحاشدي لا تستغل المواقف=انت في مأمنك وأحنا بعردود هفاّف
لو نوسع فلا شاعر ولا عاد عازف=با يجيبوا خبرنا سر معيّ تشعاف
واذكر المصطفى ما رتلوا بالمصاحف=سورة الفاتحه وعبس وعم والأحقاف
جواب المغفور له بحول الله وقوته الشاعر الكبير شايف محمد الخالدي

قال ابو لوزه آنبدا بزاجر وهاتف=نطعن الحاشدي بين الكبيده ولنجاف
ذي وقف لي حجر عثره ودائم ملاقف=مادرى إن عادنا واقف لكسّار الالقاف
با اطعن الخصم في نحره وبين المقاحف=من سقط من على يدي صعيب التلفلاف
كيف يطعن بحقي شخص مطشوش طافف=موقفه في مثل موقف هدف راس مطفاف
وانت ما زلت يا بوقيس تعبان نازف=عاد لك من طبيبك فحص آخر وكشّاف
صرت كذاب ما خصمك سوى الحاج شايف=أيش ساقك تصفصف ضدي الكذب صفصاف
ما معك فايده مهما بدورك تراصف=ضدي الكذب او تكتب في اوراق واشتاف
با تفرح فقط لنذال بي والمكالف=جبر خاطر لذيث يتلهفوا لي تلهاّف
ما دريت إن قد اسقيناهم القير ناشف= فوق ما حصلوا من لطم حامي وكروّاف
كمّن أعصر عصرت أذنه ومريت شاعف=ما انت مسكين مثلك با ازقره زقرة أطراف
دعوة الوالده واسحار شمس المعارف=قلت لي اعمت الصمّام من زيف زيّاف
وأتهت قلت لي أيام جبر العواطف=وانتهى بعدها شهر العسل والتكيّاف
من يصدق كلامك وانت جاحد وسارف=لو حلفت القسم أو جبت لي "مية" حلاّف
عادنا الآن للعمله فتحنا المصارف=أقبل الخير والوادي مثمّر ومصطاف
با نجيب التحف متراصفه للمتاحف=والجماهير با ترتاح بعد التقشاف
والمعاول معانا والحجن والمجارف=والمعدات عندي للعمل كلها ارزاف
لا تفكر بإني ضعت أو اصبحت عاكف=داخل الدار أو مرمي ورى حوش كداّف
أو رهينه على قولك مقيّد وزاحف=عادني بالمحف راكب على مُهر حفاف
با اقطع الحيد راكب والسيل والمعاطف=والمسيرات قدامي محاجر وقطراف
فين تشتيني ارحل يا مغفل وساخف=بعد من بالعصا بتسوقني سوق دلهاف
أيش من قافله ذي قلت لي بعدها خف=الحق القافله واسرع كما برق رفّاف
ما اشتي اطلب مع ذي يطلبوا بالمغارف=قد بكل لقمتي مخصور في صحن شفّاف
والولد "سعد"بسّط لي وفرّش قطائف=قال لي لا تهاب الخصم جب راسه أنصاف
وانت مغرور يا بوقيس أشوفك تخاذف=ساع تزقر ببن عاطف وساع ابن عطاف
فاكر إنك زقرت أم القورون العواكف=وانت بالعكس زاقر في عراقيب وأضلاف
والغلط دائماً منك يجي وانت عارف=زور تشهد وبتصنف لي الكذب صنّاف
قلت ما عاد لي نجده ولا من يساعف=بينما عندي النجدات واجد والاسعاف
عندي ابني وبعد ابني حمات الطوارف=ذي تكيل المذلق للعدى كيل كرداف
مزنة الصيف ذي تسمع لها رعد قاصف=من سمع صوتها أو صوت رجاّتها خاف
حولي انمار فتّاكه ضواري تلاهف=والجواكر معي والرنج موجوده أرداف
جوكري ذاك له بين الجواكر مواقف=الجماهير تشهد له وقاده وعرّاف
مثل شامخ ثمر ما با تهزه رواجف=أو تزعزع حجاره ريح عاصف ونوّاف
لا تصدق دعاية يقولوا مخالف=ذه دعايات قالوها قرابيع واجحاف
هم جراثيم أشبه بالذباب الزواحف=جب لهم في دقيقه واحده سم بف باف
وآخر الأمر جانس ما بنيته ورادف=لا تخزّ سطوح الدار والسقف خزّاف
ما فقد صفنا الوحده ومعنى التكاتف=قلتها أنت لنك ضدنا يا تحلاّف
سهل أمرك ومثلك لا غلط ما يخالف=عين عوجا ومربوطه مع اللان والكاف
ذا جوابي وموضوعك مع حصن نايف=ماتحصفتشي والهرج يشتي تحصاف
إنما قد تجاوزته ومريت شانف=قلت من بعض أشياء با تلطف تلطاف
با نرجع فقط للحاشدي رد كالف=هرج لي خاصبا اتكلف برده تكلاّف
ذا وعن باز ذي بتقول كاتم وكاشف=طول عمره وهو من بطن لا بطن طوّاف
هو شريط المسجل دونما أشرح ولا صف=ذي عنيته وهذه كلها فيه الاوصاف
به عيونه وسط أيضا وله جسم ناحف=يلتقط ما سمع من أي غاني وعزّاف
وانته أحزيك من بكره حريصه وصارف=خازنه قوتها في بطنها للنصراف
ضالمه غاشمه حمقا مقامر مجازف=تقتل أولادها متعمده ضلم وأسراف
واصبحت بعدهم فارغ خلي نوع تالف=لا مضره ولا تقضي مهمه ولا أشفاف
وأذكر المصطفى ما طاف بالبيت طائف=عد ما ثور الجاهم وما البرق رفّاف
سلام .






التوقيع :
الوطن لحمي وعضمـي والينابيـع الغـدد=الوطـن ودي وودي والـوداد انشـأ وداد
روح تسكن وسط روحي والجسد داخل جسد=إن بعدنا زاد شوقي ون قربنـا العشـق زاد
ابو العز رياض ال عبد المُغني
رد مع اقتباس
قديم 12-08-2007, 12:36 AM   رقم المشاركة : 8
ابو شيماء
عضو مؤسس
 
الصورة الرمزية ابو شيماء






ابو شيماء غير متصل

ابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond reputeابو شيماء has a reputation beyond repute


رد: الشاعر الكبير عبدالله صالح العلفي الحاشدي

نواص تقديم القصائد التي دارت بيني وبين المغفور له إن شاء الله الخالدي وهي القصائد الغير منتشرة وكما اسلفت يطيب لي أن أجعل هذه القصائد خاصة بالمجلس اليماني
يقول ابوقيس ثور=جاهم من الشرق أثيره
وواجهه "زاب"صرصر=جنوب شبه الجزيره
فامست صواعق تفجر=فوق الجسور الجسيره
ذي رابطة خورمكسر= باربع ولحج الخضيره
منها تراخى المزرزر=وتفاصلت كل ديره
حتى خلي كل بندر=من الجموع الغفيره
وابو لوز لو تذمر= وانكر حوادث خطيره
يُعذر فزع لا يجرجر= كما تجرجر خبيره
ذي جندله سيف عنتر=في جُنح ليله غديره
ليته بشايف تمطر=ولا بوعل العشيره
لو هو بنعوه تجوّر=أبطالها با تجيره
لو بايحول المقدر=ميسلموه لنحيره
يمسك بكمن غضنفر=وفي الوسط هي عقيره
لكن تمسك "بوحر"=ذي يكنّوا مطيره
مالخالدي قد تجزور=وكل مقالب مريره
كلها وهو عضو واقير=أكله أكلها الأخيره
ولو يقولوا تطور=بسعد طاعة مديره
مهما يرعرع ويكبر=العين ماهي قريره
لو مال والا تعصور=خطام شايف عطيره
والواضح إنه تغير=رافق رفاق المسيره
شيبه وفي حزب قيصر=يا للنفوس الشريره
ماعاد له ذنب يُغفر=لو سار للحج سيره
أو حج سبعين مخطر=شايف ذنوبه كبيره
ما كل من حج كفّر=وين النوايا الطهيره
وانا ببولوزه أخبر=واعلم بما في ضميره
بين الورق "كرت جوكر"=في يد قمرجي يديره
ما سر بذا الوقت يُستر=وبه أشعه تنيره
قد جات من كل مصدر=أخبار سوداء مثيره
مفادها أن الموقر=غارق بنعمة جويره
وافادت إن الموفر= للآن مليون ليره
ولا وليها كروزر=سته "سرندل" تديره
قد قلت انا ليش بكر =للحج وزهّب بعيره
وبعد ما حج تأخر=لا حن ولا افقد "لصيره"
واثار فيها "مثمر"=دسم وفيها فطيره
كرم من الشيخ "جعفر"=لعمى البصر والبصيره
يهناك يا شايف أشعر=وامدح مقام الأميره
واركب على ظهر موتر=يصلح لشمخ وعيره
ما حج إلاّ مظفر=حجه وحاجه يسيره
أشبع دراهم وجوهر=بعد الحياة الطفيره
حلال لك بيع واشتر=والعب بما تستخيره
ماغير يا خوف تبطر=على البلاد الفقيره
مانا علي عار ما أمهر=في بير جارك وبيره
بالعار ماها معكر=وفي دما أمي "منيره"
وعار ما أنوي ولا انحر=لو قع حطب للسعيره
وعاد فيها مزنر=عمامته مستديره
لمّا تصفّا وتُطهر=با انوي بنيه طهيره
واليوم يا راسي أسكر=مقيل وسمره نويره
بقات معلي تخدّر=ماهو بوسكي وبيره
جانا مهرّب مغفر=مع مرافق سفيره
نوّر على القلب نوّر=والهاجس أنسج حريره
ناوي على فتح محضر=يدين شايف"سميره
ذي في مصرها تمصر=واليوم ضحّى شعيره
وان شض والا تعنتر=وهزها في جفيره
مسموح خلّه يطمّر=مادام يده قصيره
للخنفري حيد خنفر=وللشميري شميره
نشعر وشي غير نشعر=على بنيّه غريره
وان شي حزازات تحزر=وحقد ماضي وغيره
لما نلاقى وتظهر=ومن بقي سا حفيره
يفوز من قد تصّبر=والا الذي شب نفيره
كبّر على من تقصّر=مشتاق للفحم كيره
والمغرف اللي تكرر=ذكره بهرجه عثيره
من به ببابك تعصور=خلّه معلق بزيره
هذا وذي منعك أنهر=ذي خذ لقب يستعيره
لني سمعته تذكر=نعوه بلهجه حقيره
صرب وقسّع وشجّر=ما توكله شي حميره
قل له عليه أن يخبر=من ذي تروح بحيره
خالي أو الشيخ عسكر=في حرب مُره عكيره
جبّر تلاقت بجبر=واقضوا ليالي عسيره
تبادلوا شُهب "لصفر"=من كل محجى صريره
والشيخ عسكر تعبّر=من هول كسره نكيره
حمّر وسوّد وصفر=وقال ماذا الكسيره
ضحّا "بستعش"واكثر=من الغزاه المغيره
وابن النقيب الله اكبر=لقي بنعوه مصيره
والآن يا شايف اسهر=جاوب على ما نشيره
واحذر بردك تحيّر=نظير ناطر نظيره
وفي شمطري تعطر=وزهر ينفح عبيره
والا تعطر بمعبر=واختار ما تستخيره
واختم وصلي مكرر=ما الرعد زرجم هديره
والبرق يضوي وثوّر=جاهم لمطره غزيره
على الرسول المطهر=مولى الصفات القديره
شفيعنا يوم نحشر=من نار حمراء سعيره
جواب الشاعر الكبير شايف محمد الخالدي رحمه الله

بو لوزه الفوج دفر=وامست عيوني سهيره
من يوم دقت حدعشر=لما الصلاة البكيره
داكي على الجنب ليسر=في يوم حفلة سميره
وانا بسجل بدفتر=ردي برغبه وخيره
ما ازعل ولا با تأثر=من أي كلمه ضريره
من شخص جاهل ومغتر=أو من مغفل دهيره
قد ما بخلي مصور=يظهر بصوره عزيره
ولا جريح أو معور=يسبق أما المسيره
ما اعطي غريمي مشزر=لما تمر المريره
يخصر مع من تخصر=عسل وسكر وشيره
ومثل ابوقيس لقور=مثله سوافع كثيره
فتره من البرد للحر= توقف امامي وطيره
حتى ولو حد تصور=له إن أموري يسيره
بو لوزه أصعب واعسر=من كل ما هي عسيره
ومن طغى أو تعنصر=قد بن محمد صبيره
عندي له الموت لحمر=وقبر ما له نصيره
مالي وللثور لشقر=ذي ما اسمع إلا نهيره
يصبح من الصبح ينهر=ونام بعد الظهيره
أيضا ومن حيث أشر=بوقيس أو ما يشيره
بالغ وزيّد وقصّر=سا عالشعيره بعيره
ما في صواعق تفجّر=على الجسور الجسيره
ولا حوادث ولا شر=ولا كوارث خطيره
وذي حصل ما حد أنكر=عنه ولا أخفى سريره
قدها قبل عين لعور=بشمس بيضاء هجيره
من داخل اتل\دار لعصر=بانت أيادي نكيره
تفعل فواحش ومنكر=غرّت بشله غريره
تكشف لها اشياء مستر=واشياء مهمه أخيره
واصبح حلم ما تعبر= ريا عصابه أجيره
وحول ما قلت أحذر=من ذكر وعل العشيره
ذي قلت ليته تجوّر=وابطال نعوه تجيره
مافي بنعوه معسكر=ولا قواعد شهيره
ذي تحمي إنسان مضطر=لو جاك دمعه غزيره
ولا لها أسم يُذكر=كل يقلب نظيره
أسأل عن الوقت ذي مر=كانت بمن مستجيره
مفروض خالك تخبر=وابوك يسأل صهيره
من ذي خطم سبعتعشر=مثل الكباش القطيره
وانا له الحمد مُستر=عايش بنعمه وفيره
كاسي معبر مصبر=ما ينتقدني حسيره
ما انا من ارضي مسفر=أو في حما أي جيره
ولا مع حد مسيّر=الحر ما حد يديره
وعيب ما اخضع ولا أقهر=ولا مقيد حصيره
مازلت عالمهر لبجر=راكب وماسك ظفيره
والحج من حج كبّر=طاف الحرم والحظيره
ومن بزمزم تطهر=حط الذنوب الكبيره
محسوب يومي ثنعشر=ثمان واربع نشيره
وحج طيب ميسر=لا قيت جبر جبيره
واصحاب وارفاق تُشكر=جتني من انحا الجزيره
رجال من ساس حمير=ذي بالقوافل سديره
كلاً دهني وشقّر=وحط شخط الذريره
والفايده موتر أخضر=والف معبر ذخيره
ما رحت ادور مثمر= من ذي فؤاده ضريره
وعاد قلبي مكدر=منه وكبدي ضريره
ذي قلت عنه مزنر=وانته بيده زقيره
سوا لك ابره وخدّر=جسمك بحامي فويره
خطأ تلومه وتعثر=وش من ملامه وعيره
وانته تصلي مشذر=على قواقع سريره
ولك سنين أغبر أدبر=عصاك عودي شريره
من الخمير المخمر= ماذقت حبة خميره
جندي ببدله معصّر=طايع لخدمة وزيره
لا جاكم الوحش لغبر=يمكن تموتون حيره
والنحر ما باك تنحر=تخسر فدى أو نذيره
مادام عادك بتسكر=طايش ومن غير ديره
يبقى مؤجل مؤخر=حجك وتبقى أسيره
قبر الرسول المنور=بينك وبينه مسيره
مالك في البيت منبر=ولا نبي تستشيره
ولا معك ركن تزقر=بالكعبة المستديره
وآخر من العود لخضر=واغصان راوي زهيره
خذ مننا ما تيسر=ومسك ينفح عصيره
وما قصر ذلق خنجر=طعنه عميقه غزيره
وإلا قذيفه بهوزر=تأوي قفاها الحفيره
وبالرسول الموقر=من خصه الله بشيره
صلاه ما الحاج ذكر=والرعد يدوي صفيره
سلام






التوقيع :
الوطن لحمي وعضمـي والينابيـع الغـدد=الوطـن ودي وودي والـوداد انشـأ وداد
روح تسكن وسط روحي والجسد داخل جسد=إن بعدنا زاد شوقي ون قربنـا العشـق زاد
ابو العز رياض ال عبد المُغني
رد مع اقتباس
قديم 17-06-2010, 01:23 PM   رقم المشاركة : 9
وليدالمصري
مشرف سابق
 
الصورة الرمزية وليدالمصري






وليدالمصري غير متصل

وليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant futureوليدالمصري has a brilliant future


مبادله



قال ابو أكرم البداع يرفع تحايا=صادقه معبقه بازكا عطور التحيه
من فؤادي ومن شعري توزع هدايا=للرجال الميامين الكرام الوفيه
للرجال الذ ي لصحبتهم في المنايا=ما يسيبوك لو دارت عليك المنيه
صحبة ابطال ما تقبل لحمل الزرايا=وان تعنيتها ردت بوجه الحميه
هذه اصحاب مالي في صحاب العطايا=وايش بدي بصُحبه قائمه عالعطيه
مل قلبي من اصحاب الجشع والعبايا=لا سقى الله هاذيك الوجه الرديه
اتعبتني وخلتني أسير الزوايا=بينما هي بثوب احقادها منزويه
لا مع نفسها تصدُق ولو افت معايا=ليت لقمان يعلم ما عمل بي بزيه
كم تلمع وكم تنشر وريق الدعايا=من سمعهم يظن فيهم صحابه نقيه
لكن الصدق عندي بكتبه بالوصايا=واشهد الله على ما حرره بالوصيه
في جبين الرجل يُكتب بدم الثلايا=او في الذاكر ه يُكتب بد م اللًقيه
احرصو في صحبكم وابحثو فالمزايا=واصدقوها اذا قد برهنت بالهويه
حسكم تسرعو كم قبلكم من ضحايا=مثل مانا وغيري قد بقينا ضحيه
او قعونا بفخ العاطفه والمطايا=واعمو ابصارنا حتى بقينا مطيه
والمواقف سبوها مثل سبي السبايا= والبنيه وأم النبت صارت سبيه
لا جناين ولا عد فالحسيني جنايا=قصقصو للشعر ما عاد خلو دريه
شلو الحسن حتى من وجيه الصبايا=غيروا من معالم فاطمه لا عليه
لو يطو ل بقاهم خرجوهن عرايا=وايش باقي معاهم من قيم يعرُبيه
اتعبونا وما جابو لنا الا البلايا=فاطمي في عباية مملكة بن اوميه
ادخلونا غون كم فتحو من قضايا=كل من يختلف معهم يسو له قضيه
يا رسولي توكل شل مني ندايا=بلغه عند شاعر له مشاعر قويه
بلغ الحاشدي بدعي ومافالنوايا=عل ابوقيس يغمس خنجره فالبقيه
عاد للسنبله تأثيرها والشضايا=با تدحرج على عقالهم والرعيه
ما تفارق لحلاب اللبن بن شوايا=بعد ابو صخر ذي صابت برجله شضيه
ختمها بالنبي طه رسول البرايا=سعد ما طاع ربه ثم وقر بنيه




قال أيه !! قال يابوقيس دق البقايا=الله ! الحرب قامت ! والا أيه القضيه !!
مش مصدق ولا قادر هوّ انت ايه !! يا يا=قلت لي أسمك أيه أسمك !! "نسيت الكنيّه"
وحّد الله يا عمي وحل عن سمايا=أيه !! هوّ أنت ما تعرفش غير الأذيه
لا بقى دي أنا مش قدها شف سوايا=يفتح الله ولو تسمح كفايه عليّه
طب كدا بالرواق أهدى وركز معايا=أيه فيها بقى لو بس تهدئ شويه
ماهو برضو كمان أنت بقى لك سوَايا=مش ولابد بلاش العِند ما هيّ هيّه
حلو ! والا أنت عندك رأي آخر !! منايا=إمتى يارب أشوفك بس تبطل أذيه
يا حبيبي كدا لو مش هتسمع ندايا=يبقى قابلني لو حلّيت عمرك قضييه
يعني عايزني قل للناس ركب العصايا=والا عايزني قل للناس خليكو زيّه
كف أبا قيس مزح أقرب إلى السخف رأيا=من لعاليه ينظر قد يصدق فريّه
لا تهيّج صباباتٍ بوهم "الشضايا"=لا تسيّل لعاب الشله المزدريه
قل لهم بئس ما ظنّوا سيبقى لوايا=مثلما ظل يتوّج ساريه وحدويه
من يظن أو يصدق أن تسوء النوايا=بين ابوقيس والصوفي ظنونه غبيه
سوّق أحلام للراغب وقل له ترايا=مطلقاً لن يأثر في علاقه قويه
أين تتنفس الصعداء فلول الرزايا=ما سوى قلت أفرحهم بخدعه هديه
أيش رأيك في التقليد أصلح لها يا=سيد الاخوان والسلّه لما في عليّه
تسعه أسطر للاستعراض هيّا وهايا=منها للتسليه والعمده المختفيّه
مصري اطرم من النخره أداري غبايا=هكذا حين اغرد خارج السرب عيه
عندما لا أجد في ما أقوله رضايا=إبقى أشبه بطائر دون وجهه جليّه
لا عزاء وان عدلت الراي يبقى عزايا=إن عمق الضمير أستوطنت "مستحيه"
أغرب أحساس داء الشعر منه دوايا=أحترق واشعر أن لا فَي لي غير فَيه
فيه متنفسي إن ضاق ضاقت رؤايا=وان تجلّا يبصرني بنوره وضيه
هكذا الشعر تستهويه رقة هوايا=حلم ، حكمه ، بلاغه ، فن ، أدب ، حب ، سجيه
ما علينا أبا أكرم ونوح الولايا=كم سمعنا عويل المعدمي بالهويه
أنظر أيش أمس بالطفلين فعلوا عمايا=لعنة الله على الشيطان وأمه وبيه
هؤلاء ناس لا ذمه لهم من معايا=نطلب إهدار دمهم عبر فتوى سويه
أين وصلت بشاعتهم عيال "الملايا"=حد بطفلين يسخى !! يا لها من رزيه
مجرمي أمس بالتوريث نفس "الخلايا"=لا قيم لا ذمم لا شهم يردع عصيه
الله أكبر يصيب المجرمين "البغايا"=الله أكبر على سلطه تراخت "أنيّه"
موت لما يجي فصل الربيع الرعايا=في سباتٍ عميق أمواتنا الأغلبيه
الخلل في ضمائر تُشترى بالعطايا=جُل قيادات أحزاب اللقاء مصلحيه
أخترقهم نظام أدمن على مص دمايا=فارتضوا أن يكونوا له مطيّه دليّه
سلني عن همنا الأعظم وأم القضايا=سل على مخيم اليرموك "والميّميّه"
كم توالوا على تقزيمها بالدعايا=كنما المشكله مستوطنه مش هويه
والعرب شوف عينك يا محمد ضحايا=أنظمة قمع تملك للمذله شهيه
خصهم ياسر العظمه بحلقة "مرايا"=قاطعين العُرى شاهت وجوهٍ زريه
أعذري طحت يا قدس الصلاةَ قوايا=أنهكتها ركائز شر قسيّه عتيّه
استمد صبر من غزه يثبت خُطايا=واستعر من حماس أحساس بالآدميه
هكذا الحال في ظل حكم أهل "السرايا"=من حماس أطلب النجده وغارة هنيه
أي حالٍ كهذا الحال شر البلايا=ان ترى أمةً لا تنحني منحنيه
خيرة الله نختمها بسيد البرايا=الف صلي وسلم والختام التحيه






التوقيع :
رد مع اقتباس
قديم 04-11-2010, 11:43 PM   رقم المشاركة : 10
الشاعر الوايلي
مشرف سابق
 
الصورة الرمزية الشاعر الوايلي






الشاعر الوايلي غير متصل

الشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond reputeالشاعر الوايلي has a reputation beyond repute


رد: الشاعر الكبير عبدالله صالح العلفي الحاشدي

بسم الله الرحمن الرحيم
بدع من الشاعر وايل حزام الوايلي
للشاعر أبو قيس العلفي الحاشدي
20/6/2010


بئس المقاصد في عتيم الوهم يـا شـر الـدواب=خبتم وخاب الظـن فيكـم مـن ملمّـات الذُّنـوب
احلام تل واحلام والتالـي كمـا طيـف السـراب=صدمه تنكِّس في جبين الحقد وأصحـاب العيـوب
فالتفظلوا في مقتضاكم قبـل تفويـض الحسـاب=توهجت شمس الحقيقه بعـد مـا طـال الغـروب
المّكـم حقـد التمـادي يـا عديميـن الصـواب=لاكنّكـم خبتـم بعثـره وأدمهلـيـن الخـطـوب
ما كنت اظن أقوالكم بـا ترتـدي غيـر الثيـاب=أمام روح الشعـر سـلاّب المشاعـر والقلـوب
ذي كان بل ما زال قمه يعتلـي روس الهضـاب=بو قيس باب الشعر صكِّه من أمامـه كـل بُـوب
ما ينكره غيـر "المهجَّـن" أو عديـم الانتسـاب=أو منتدب رسمي مفوّض مقصده ملـئ الجيـوب
هذا الذي لذنـا بفعلـه ضـد خصمـه كالحـراب=يرعد فرائـس فـي ميادينـه وينشبهـا حـروب
الوصف بالواصف مطـوّل بالمعانـي والخطـاب=والصمت يحتل المشاعر بينمـا الشاعـر يـذوب
مرسول ما ضلّت دروبي فـي ذهابـي والإيـاب=تمِّم لبو قيس التحيّه صُـبّ لـه بدعـي صَبـوب
بو قيس حيّرت الهواجس و"الذي زان السحـاب"=وكل يوم ألغاز فـي شعـرك وإبداعـك سُـروب
تعجبني أقوالك حقيقـه حيـن تصبـح كالعـذاب=على الشواني والحقايق قارعـه فـوق الذَّنـوب
لله درك مـا مثيلـك صَلـب شامـخ مـا يهـاب=في عصر مترامـي رجَالـه فـي تقلاّبـه دءوب
حقّيت بالماضي حقايق عابهـا العقـل المصـاب=فالخصم ذي ماسك بحلقه بالحدث طوعـاً يتـوب
والحق شعشع في غياهيب الزمـن بعـد الغيـاب=لاكنّهـم ظلّـوا وبائـوا بالتمضحـل والرسـوب
المعدن الأصلي عرفتـه بعـد وزنـه بالنصـاب=خلاص منظاري يفرِّق كل صـادق مـن كـذوب
بعد احتكاك المعركه وَهَـم الحقيقـه شبـه غـاب=وتبـدد الظـن المخالـف واكتسابـي للـذنـوب
بالمشألي حسَّنت ظنـي مـا حسبـت الاحتسـاب=ولا نظـرت أوراق سـودا فـي ملفاتـه تنـوب
علّمني التأريـخ عِبـره بينمـا العقـل استجـاب=والحاشدي لازمت صفّه ممتثـل أمـر الوجـوب
مالي ولصحاب التحـرُّك عقلهـم سْلْـب الذبـاب=ولا استطاعوا رد مـا يسلـب بإفـراز اللعـوب
رأساً مجوّف مـن دماغـه مـا يفكـر بالعقـاب=رهط المصايب والمصيبه يدعوا بإسـم الجنـوب
نحنوا أمام افكارهم نصنع مـن الصخـره تـراب=والحاشدي بو قيس ناطق بإسـم آلاف الشعـوب
خطوب تنتـاب المثابـر فـي زمـان الانقـلاب=من يشتهي جبح المجاني لا يبالـي لسـع نـوب
فالدهر والدنيا عجايب لو تـرى عينـك عُجـاب=مَن كان صادق في كلامه واجه أنـواع السبـوب
كأن قول الصدق ورده في وسـط وادي الذئـاب=بلونها القانـي غريبـه تسلِّـب الناظـر سلـوب
بو قيس عاد الأمر بادع والطرف نـاوي خـراب=جهِّز جهازك والمشهّر يطـوي أميـال الـدروب
والوحدوي قلـه كفايـه يستغـل تلـك الرِكـاب=نأمل وقوفـه بـل ويكفـي أن يشهِّـر بالغيـوب
فالحق بيِّن والقضيّـه مـا عليهـا مِـن حجـاب=ما حيلتي ناصح نصيحه من صدى الصدر الرَحوب
أنهيت بدعـي والخواطـر تشتهـي رد الجـواب=إذا أشرق البدع المدوَّن رد ابو حاشـد غـروب
ختامها ذكـر المشفـع شافعـي يـوم الحسـاب=ذكره على قلبي سكينـه تجلـي أنـواع الكـروب

جواب الشاعر الكبير أبو قيس العلفي الحاشدي
على بدع الشاعر الوايلي
27/6/2010م


بعيد عن باب التواضع قـال أبوقيـس أستجـاب=لصوت يؤمن إن عنوان الصحب إهداء عيـوب
لا من يرى كل الطرق توصل إلى الغاية صـواب=ما كل موجه تمتطي" وركوب يفرق عن ركـوب
لذا فانـا ملـزم بمعياريـن يـا سيـد الشبـاب=الإنتقاء للمفـرده واللفـظ فـي أُلفـه وحـوب
مع مساحـه للهوامـش دون إحـداث إنقـلاب=على قيـم وعلـى مبـادئ لا يدانيهـا مشـوب
محظور ما ينقص ولا يوفي ومن أذنـب وتـاب=لله ما أبطن وليس البر فـي صـد مـن يتـوب
أهلاً بمن أرفض تإم عالـي قوافيـه "السبـاب"=ولا له أقبـل أن يحـل إلا عُلـى العليـاء دءوب
شرّف وآنس شاعر الشعراء وأسمعنـا خطـاب=أحاطنا بـأدب وأخـلاق أختـرق بهمـا قلـوب
يا زين ما انعم به على شيبـه يبارونـه شبـاب=رقراق يتهادى على مجـراه لا يعـرف نضـوب
مشهد "تراجيدي" مزج توليفة العجـب العُجـاب=(ما صحبه إلا بعد "مهواشه) وتطبيـب النـدوب
وائل بفصل القول عنـي زال حيـره وارتيـاب=واعفاني من قم عقّل القعدان واطعمهـا علـوب
قلب على من حاول أن يصطاد في وادي الذائاب=وجه المجن وإلى الصواب أرتد عن تلك الدروب
ولم يعد يبدو كمتسامح مع مـن (فـي الرقـاب)=المستحقي للوصايـه عازفـي "فرقـة طـروب"
أبصم لصحـة مفرداتـي فـي ذهابـي والإيـاب=هنالك الميئوس من إصلاحهم ... رقّـع ثقـوب
تجريد من لا يؤتمن حتى علـى نفسـه ثـواب=من رعويتهم خير وافضل للوطن يبقى صلـوب
مؤمن بمبدأ "الضم" وواثق إن من أيّـد أصـاب=وليعلـم الكـل لا ولايـه للمذليـن الشـعـوب
خطأ وتصحيح الخطأ من عاب عايـب لا يُعـاب=العيب تجريب المجرب واسألوا حـزن الجنـوب
أدركت يا وائل أخيـراً إن مـن طـارد سـراب=حده بلوغ المفترق والمـوت يستبقـه شحـوب
نعمه من الباري أراد لك النجـاة ولـو مُصـاب=أفرحتني وأغضبت ابو نفاخ يبحث عن "تيـوب"
درب الهدى وبحول ربـي مـا يباعدنـا عتـاب=أبناء عقيده والأواصـر تبـر لا يمكـن يـذوب
معي خبر لو تسمعه ، يا امي ويا بـي واب واب=رصدت جولات الحراكي وانهـا سرقـة جيـوب
لقوا في التجار مرغـد فيـه ممـا لـذ وطـاب=كمن أبوها وأمهـا فـي علـم عـلاّم الغيـوب
بالمِـن والسلـوى يمنوهـم وبعـد الإكتـتـاب=أنتَ وما ملكت يمينـك ملـك أمـراء الحـروب
وهات يا بي والحساب إبقه إلى يـوم الحسـاب=فرق تظلي من صباح الخيـر للمغـرب تجـوب
الدم من الحلمه "وهولا" يا رضاعـه يـا حـلاب=دري لمولاك الحراكـي درّي يـا بقـره حلـوب
تستاهلي قد ما عقلتـي يـا جواميـس الحـلاب=درّي أو الحد والبطون الواسعـه تقبـل رعـوب
والله وقعتـي يـا المنيحـه بيـن حلابـي دواب=لو با تموتي لا نجاة الا الهروب مـن الخطـوب
ماعاد تاجـر تسألـه عـن مربحـه إلا أجـاب=أربـاح والبـلاّع يبلـع والله أنـه (للحبـوب)
سنين والموسم ثنعشر شهـر يوميّـه صـراب=عسى وما آوت منهم ركبه مـع ريـح الهبـوب
حلّت عليهم واقعه مـا ميّـزت شانـي وحـاب=إثقال كاهـل والنتائـج ململـت دافـع غصـوب
خفّيت يا لاقط حصى وين أنت من حذر الغـراب=من قال لامك من تودف الف نفسـك بالهـروب
هذه معارضة الفنـادق ليـل وانخـاب الشـراب=ها بيّض الله وجه من عرّا رعاع "اللاب تـوب"
إلى هنا والوحدوي فـي معتـرك يأخـذ وجـاب=قدها في أذنه وان غلب فالماء بطبعـه لا يـروب
له رأي والواقع أواجـه فـي تفاصيلـه صعـاب=لكن يظل ما حولـه الإثنـان نجمـع ذو وجـوب
وفي الختام أقبل تحياتي وجـب ختـام الجـواب=بالشكـر والتقديـر للإطـراء واللفـظ العـذوب
وللثقه في شخـص أخيـك العبـد لله أحتسـاب=أغدقت وابرك موسمك ما "سنبله" طلعت كهـوب
ذكر النبي والعفـو يـا وائـل أطلنـا بالغيـاب=الوقت غير الوقت والهاجس رسوب وراء رسوب


سلام الاخاء






التوقيع :
المعدن الأصلي عرفتـه بعـد وزنـه بالنصـاب=خلاص منظاري يفرِّق كل صـادق مـن كـذوب
بعد احتكاك المعركه وَهَـم الحقيقـه شبـه غـاب=وتبـدد الظـن المخالـف واكتسابـي للـذنـوب
رد مع اقتباس
إضافة رد


(View-All Members who have read this thread : 7
التومي, ابو صادق المطار, حميدالبهال, ريان), عاصم السحاقي, فيصل الجماعي, ناحت الصخر
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Array
جميع الأوقات بتوقيت الإمارات
Loading...

Powered by vBulletin® Version 3.8.6
Copyright ©2000 - 2014, Jelsoft Enterprises Ltd
Ads Management Version 3.0.1 by Saeed Al-Atwi

المواضيع والتعقيبات في المجلس اليماني لا تمثل بالضرورة الرأي الرسمي للموقع بل تمثل وجهة نظر كاتبها